అనారోగ్య బాధితురాలికి ఆర్థిక సాయం

మర్రిగూడ మార్చి 21 (ఆంధ్రప్రభ): శివన్నగూడ గ్రామంలో అనారోగ్యం కారణంగా ఆపరేషన్ చేయించుకున్న గ్రామానికి చెందిన లపంగి సుదర్శన్ కూతురు లపంగి వాణిని గ్రామ సర్పంచ్ రాపోలు యాదగిరి పరామర్శించారు. ఈ సందర్భంగా బాధితురాలి పరిస్థితిని తెలుసుకుని ఆమెకు రూ.20,000 ఆర్థిక సాయం అందించారు. కుటుంబ పరిస్థితిని మునుగోడు నియోజకవర్గ శాసన సభ్యులు ఎమ్మెల్యే కోమటిరెడ్డి రాజగోపాల్ రెడ్డి దృష్టికి తీసుకెళ్లి, ప్రభుత్వ పరంగా కూడా సహాయం అందేలా చర్యలు తీసుకుంటామని సర్పంచ్ తెలిపారు. ఈ కార్యక్రమంలో వార్డ్ మెంబర్ పూల సతీష్, మాజీ వార్డ్ మెంబర్ వాయిల్ల సోమయ్య, బొమ్మగొని మహేష్, ఇరగదిండ్ల సత్తయ్య పాల్గొన్నారు.